Defnyddir profion (a gaiff eu galw'n gwisiau weithiau) ac arolygon i fesur gwybodaeth myfyrwyr, mesur cynnydd, a chasglu gwybodaeth gan fyfyrwyr. Gallwch neilltuo pwyntiau a rhoi adborth ar gwestiynau'r prawf ond ni chaiff arolygon eu sgorio. Mae canlyniadau arolwg yn ddienw, ond gallwch weld a yw myfyriwr wedi llenwi'r arolwg a gweld cyfanswm cyfanredol ar gyfer pob cwestiwn yn yr arolwg. Mae gan Blackboard 17 arddull cwestiwn gwahanol, felly mae digon i ddewis ohonyn nhw. 

Mae Blackboard yn cynnig canllawiau cam wrth gam ar gyfer creu a defnyddio arolygon a phrofion. Gallwch hefyd wylio fideo byr sy'n dangos y broses i chi.

Canllawiau

Cliciwch ar y dolenni isod i weld canllawiau Blackboard: 

• Creu prawf neu arolwg ac ychwanegu cwestiynau. 
• Ychwanegu cwestiynau at brawf neu arolwg sy'n bodoli'n barod. 
• Defnyddio'r prawf drwy ei ychwanegu at eich ardal asesiadau. 
• Gosod gwybodaeth am y prawf ac opsiynau adborth. 
• Caniatáu i fyfyrwyr wneud y prawf fwy nag unwaith. 
• Gorfodi i gwblhau prawf, gosod amserydd a chyfrinair. 
• Cyfyngu o ba leoliad y gellir sefyll eich prawf. 
• Cyfyngu ar ba ddyddiadau y gellir sefyll eich prawf. 
• Creu prawf fel dewis hunanasesu ffurfiannol. 
• Gosod dewisiadau ar gyfer canlyniadau ac adborth. 

Ar ôl i chi greu prawf neu arolwg efallai y byddwch am ei olygu. Nid oes modd golygu profion nac arolygon sydd eisoes wedi derbyn ymatebion. Cliciwch ar y dolenni isod i weld canllawiau Blackboard: 

• Cyrchu prawf neu arolwg i'w olygu. 
• Golygu, dileu neu aildrefnu cwestiynau. 
• Dileu prawf neu arolwg.