Ewch i'r goeden benderfyniadau 'Defnyddio Panopto yn eich modiwlau Blackboard' i'ch tywys drwy'r broses o greu cynnwys sain/fideo neu asesiadau.

Mae'r canllawiau canlynol, a llawer mwy, ar gael o Wefan Cymorth Panopto. 

• Cysylltu eich modiwl Blackboard â Panopto. 
• Plannu recordiadau Panopto yn eich modiwl Blackboard. 
• Gwneud recordiad gan ddefnyddio meddalwedd Panopto - Windows. 
• Gwneud recordiad gan ddefnyddio meddalwedd Panopto - Mac. 
• Gwneud recordiad gan ddefnyddio Panopto Capture ar y we.  
  
• Uwchlwytho fideo/sain sydd wedi'i recordio ymlaen llaw i Panopto. 
• Sut i greu gwe-ddarllediad byw - Windows.
• Sut i greu gwe-ddarllediad byw - Mac. 
• Amserlennu gweddarllediadau byw o flaen llaw a chreu ystafell aros
• Sut i uno, copïo a symud recordiadau. 
• Golygu eich recordiadau Panopto. 
• Rheoli eich recordiadau Panopto. 
• Ystadegau defnydd ar gyfer ffolderi/recordiadau Panopto. 
• Galluogi myfyrwyr i gyflwyno recordiadau gan ddefnyddio ffolderi aseiniad Panopto.
• Panopto ar gyfer iPad/iPhone. 
• Panopto ar gyfer Android. 
• Canllaw i fyfyrwyr.

Aseiniadau

Mae dau gam ar gyfer creu aseiniadau sain/fideo/cyflwyniad gan ddefnyddio Panopto. 

1. Galluogi myfyrwyr i gyflwyno recordiadau gan ddefnyddio ffolderi aseiniad Panopto.
2. Opsiynol: Creu aseiniad Blackboard i fyfyrwyr gyflwyno dolen i'w fideos.

Os ydych yn recordio darlithoedd neu ddigwyddiadau byw lle mae myfyrwyr yn bresennol, bydd angen i chi wneud yn siŵr eu bod yn ymwybodol o'r hyn sy'n digwydd a sut y bydd y recordiad yn cael ei ddefnyddio. Os ydych yn recordio darlithoedd i fyfyrwyr presennol (a'r dyfodol) i'w defnyddio yn unig, yna mae'r recordiad yn cael ei wneud er budd cyfreithlon dysgu ac addysgu. Fodd bynnag, mae gan fyfyrwyr hawl i wrthod cael eu recordio neu i ofyn am gael eu tynnu oddi ar recordiad os oes modd eu hadnabod. 

Cyn y ddarlith 

Os ydych chi'n defnyddio Panopto i gipio unrhyw ddarlithoedd, dylech ddarparu'r hysbysiad canlynol yn eich modiwl: 

Ynghylch recordio darlithoedd: Gellir recordio'r darlithoedd ar y modiwl hwn ar ffurf fideo neu sain. Gellir defnyddio'r recordiadau yma at ddibenion dysgu ac addysgu ar gyfer myfyrwyr presennol a myfyrwyr yn y dyfodol. Os nad ydych yn dymuno cael eich recordio, rhowch wybod i'r darlithydd. 

Yn ystod y ddarlith 

Gwnewch yn siŵr bod myfyrwyr yn ymwybodol eich bod yn recordio drwy: 

• Ddweud wrthyn nhw ei fod yn digwydd bob tro y byddwch chi'n recordio. 
• Defnyddio sleid ar ddechrau pob darlith gydag ymwadiad am recordiadau.
• Edrychwch ar y Sleid Sampl sydd ar gael. 

• Os yw camera'n cael ei ddefnyddio i gipio fideo, dangoswch yn glir pa ardaloedd sy'n cael eu ffilmio. 
• Esboniwch y gall meicroffonau gipio unrhyw sŵn a sgyrsiau achlysurol, felly cynghorwch nhw i osgoi trafod pynciau personol pan fydd recordio'n digwydd. 

• Rhowch wybod i fyfyrwyr ble mae modd iddyn nhw eistedd os nad ydyn nhw am fod ar y camera. Yn y rhan fwyaf o ystafelloedd dosbarth nid yw'r rhan fwyaf o ddesgiau myfyrwyr yn yr ardal lle mae gwe-gamerâu wedi'u gosod ymlaen llaw, ond dylech wirio'r fideo i fod yn siŵ.
  

• Mae modd rhewi recordiadau a'u hail-ddechrau yn ôl yr angen. 
• Neu, rhowch gyfle i fyfyrwyr ofyn cwestiynau drwy eu hysgrifennu ar bapur neu drwy ddefnyddio Vevox, sef ein hofferyn ymateb cynulleidfa ar-lein.
  

Ar ôl y ddarlith

Os oes angen, gellir golygu recordiadau i ddileu adrannau penodol.

Does dim gwe-gamera/meicroffon yn fy ystafell addysgu (neu dydyn nhw ddim yn gweithio)

Logiwch alwad gyda'r Ddesg Gymorth Technoleg Gwybodaeth ar-lein - http://support.southwales.ac.uk/ - neu drwy ffonio - (01443) 482882.

Ym mha ystafelloedd mae modd defnyddio Panopto ynddyn nhw?

Dylai meddalwedd recordio Panopto fod wedi'i gosod ar bob peiriant a gaiff eu rheoli gan y Brifysgol. Dylai fod meicroffon neu we-gamera wedi'u gosod ym mhob ystafell addysgu ac yn barod i'w defnyddio. Os nad oes yr un o'r ddau ar gael, gallwch logio galwad gyda'r Ddesg Gymorth Technoleg Gwybodaeth ar-lein - http://support.southwales.ac.uk/ - neu drwy ffonio - (01443) 482882. 

Os ydych am recordio wrth eich desg neu y tu allan i'r Brifysgol, gallwch naill ai ddefnyddio Panopto a gwe-gamera/meicroffon ar eich cyfrifiadur eich hun, neu recordio fideo/sain ar ddyfeisiau eraill i'w huwchlwytho i Panopto'n ddiweddarach.

Sut mae cael y feddalwedd recordio?

Cliciwch y botwm Creu gwyrdd o ardal Panopto yn eich modiwl neu ar wefan Panopto Prifysgol De Cymru a dewiswch Recordio Sesiwn Newydd. Bydd hyn yn eich annog i lwytho'r feddalwedd recordio Panopto i lawr.

Does gen i ddim hawliau Creu.

Os ydych chi wedi'ch cysylltu â modiwlau ar Blackboard, yna mae hyn yn golygu nad oes dim o'ch modiwlau wedi'u cysylltu â Panopto. 

• Cysylltu eich modiwl Blackboard â Panopto. 

Os ydych chi'n aelod o staff sydd ddim yn gysylltiedig ag unrhyw fodiwlau Blackboard (hynny yw gwasanaethau llyfrgell, gwasanaethau myfyrwyr) yna bydd angen i chi ofyn am hawliau crëwr Panopto ar y Ddesg Gymorth Technoleg Gwybodaeth. Bydd hyn yn rhoi mynediad i chi at 'Fy Ffolder' breifat i recordio. Os ydych chi'n credu bod angen i chi gael mynediad at ffolder arall, nodwch hynny yn yr alwad i'r ddesg gymorth.

Dydy fy modiwl ddim yn ymddangos yn y recordiwr.

Os ydych chi wedi'ch cysylltu â modiwlau ar Blackboard, yna mae hyn yn golygu nad oes dim o'ch modiwlau wedi'u cysylltu â Panopto. 

• Cysylltu eich modiwl Blackboard â Panopto.

Os nad oes gennych amser i wneud hyn (hynny yw, mae angen dechrau'r ddarlith), dewiswch 'Fy Ffolder'. Yna, gallwch symud y recordiad i'r ffolder modiwl cywir yn ddiweddarach. 

• Sut i uno, copïo a symud recordiadau

  https://support.panopto.com/s/article/merge-and-copy-1

  . 

Mae tîm TEL yn hapus i roi cyngor a chymorth am y ffordd orau o ddefnyddio Panopto i wella dysgu ac addysgu. Cysylltwch â phartner eich cyfadran am ragor o wybodaeth. 

Cynhelir gweithdai ar sut i ddechrau defnyddio Panopto yn rheolaidd. Chwiliwch am fanylion ar iTrent ac i archebu lle.